Isroil o‘tgan yilning oktyabr oyida G‘azoda uyushtirgan havo hujumi davomida AQSH quroli ishlatilishi oqibatida 43 nafar falastinlik halok bo‘lgan. Bu haqda Amnesty International bergan maʼlumotga asoslanib, CNN nashri xabar berdi.
Manbada aytilishicha, Amnesty International tergov guruhi uzoq vaqt davomida AQSH armiyasi va qurollarining G‘azodagi hujumlarga aloqadorligi borasida tekshiruv olib borgan. Oqibatda buni tasdiqlovchi bir qancha dalillar topilgan.
Oktabr hujumlarida AQSH quroli qo‘llanilishi oqibatida 43 kishi halok bo‘lgani tasdiqlangan. Fuqarolar havo hujumi paytida ishlatilgan yalpi hujum quroli oqibatida vafot etgan.
Inson huquqlari tashkiloti 12-avgust kuni eʼlon qilgan hisobotga ko‘ra, G‘azo markazidagi Dayr al-Balah hududida vayron bo‘lgan xonadonlar orasidan AQSHda ishlab chiqarilgan to‘g‘ridan-to‘g‘ri yalpi hujum o‘q-dorilarini boshqarish tizimi bo‘laklari topilgan. Bu topilma falastinliklar o‘limida AQSHga ishora qiluvchi birinchi dalillardan biri ekanligi aytilgan.
JDAM tizimi ob-havoga qarab, yuqori aniqlikda va ketma-ket tarzda bombalarni nishonga olib boruvchi qurol ekani aytilgan. U aqlli boshqaruv mexanizmi bilan taʼminlangan bo‘lib, nishonlarga katta talafot yetkazishga imkon beradi.
Oktabr hujumlarida JDAM qo‘llanishi 19 nafar bola, 14 nafar ayol va 10 nafar erkak halok bo‘lishiga olib kelgan. Bu fuqarolar oddiy aholi vakillari bo‘lib, HAMAS yoki muqobil harbiy tuzilmalarga aloqador bo‘lmagan.
Amnesty International o‘z hisobotida bunday zarbalar uchun Amerika qurollaridan foydalanish Bayden maʼmuriyati uchun shoshilinch ogohlantirish bo‘lishi kerakligini bildirgan. Tergov davom etishi hamda dalillar o‘rganilishi aytilgan.
Izoh (0)