Isroilning artilleriya qo‘shinlari qo‘mondonligi bir necha oy davom etgan G‘azo sektoridagi operatsiyadan so‘ng tanklar yetishmayotganini tan oldi. Bu haqda sud hujjatlariga tayanib, Ynet xabar berdi.
Ma’lum qilinishicha, artilleriya qo‘shinlarining ayol harbiylari operatsiyada qatnashish bo‘yicha murojaat qilgan, ammo rad javobini olgan. Shundan so‘ng ular Oliy sudga tegishli ariza bergan. Qo‘mondonlik bunga javoban “tanklar soni bir vaqtning o‘zida ham urush olib borish, ham tajribalar o‘tkazishga yetarli emasligini” bildirgan.
“Armiyadagi tanklar soni urush va ayollarni jalb qilgan holda o‘tkaziladigan tajribalar uchun yetarli emas, biz arsenalni ko‘paytirish ustida ishlamoqdamiz. Isroil armiyasi askarlar yetishmasligini qoplash uchun juda ko‘p odamlarni armiyaga jalb qilmoqda va urush paytida yuqoridagi tajribalar uchun yetarli odamni ta’minlay olmaydi”, — deyiladi sudga yuborilgan tushuntirish xatida.
Shu tariqa, armiya bosh shtabi xotin-qizlarni jangovar zonalarga jo‘natishni 2025-yilning noyabriga qadar kechiktirishga qaror qilgan. Aynan ayol harbiylar HAMASning 2023-yil 7-oktyabrda Isroilga hujumini qaytarishda muhim rol o‘ynagani ta’kidlanmoqda.
Izoh (0)