Argentina terma jamoasi va “Inter Mayami” klubi hujumchisi Lionel Messi Ibizadagi uyiga bo‘yoq sepgan faollardan 50 ming yevro miqdorida tovon puli talab qilmoqda. Bu haqda El Espanol xabar berdi.
![](/static/2024/08/17/gettyimages-2162460029-2048x2048-3MV8NB8w.jpg)
Manbaga ko‘ra, bunday harakatni amalga oshirganligi uchun mas’uliyatni o‘z zimmasiga olgan tashkilot 50 ming yevroni yetkazilgan zarar uchun juda ko‘p deb hisoblaydi. Da’vo arizasida futbolchi tomoni guruhni jinoiy zarar yetkazganlikda ayblagan.
Ushbu ekologik tashkilotning matbuot kotibi Bilbo Bassaterra uyni qayta bo‘yaganda ham 50 ming yevro sarflanmasligini ta’kidlagan.
Yuqorida nomi keltirilgan aksiyadan maqsad “iqlim inqirozi davrida boylarning mas’uliyatiga” e’tiborni qaratish bo‘lgan. 6-avgustda sodir etilgan mazkur voqeadan ikki kun o‘tib, unda ishtirok etgan uch nafar faol hibsga olingan.
Izoh (0)