Bugun, 14-avgust kuni MLS’ning amaldagi chempioni “Kolambus Kryu” va joriy mavsum yetakchisi “Inter Mayami” o‘rtasidagi Liga kubogi 1/8 finali o‘yini yakunlandi.
Uchrashuv 3:2 hisobida mezbonlarning g‘alabasi bilan yakunlandi. Shu tariqa, “Kolambus Kryu” turnirning chorak finaliga chiqdi.
O‘yinda mezbonlar hujumchisi Diego Rossi dubl qayd etdi. Yana bir golni Kristian Ramires kiritdi. “Inter Mayami” safida Matias Roxas va Diego Gomes gol urdi, urugvaylik hujumchi Luis Suares esa golli uzatmani amalga oshirdi.
“Inter Mayami” hujumchisi Lionel Messi uchrashuvni o‘tkazib yubordi. 36 yoshli argentinalik futbolchi bir oy avval Kolumbiya bilan Amerika kubogi final uchrashuvida (1:0) o‘ng to‘pig‘idan olgan jarohatidan haligacha tuzalmagan. O‘shandan beri Messi “Inter Mayami”dagi jamoadoshlari bilan mashg‘ulot o‘tkazgani yo‘q.
Ligalar kubogi — MLS va Meksika Liga klublari o‘rtasidagi turnir. Turnirning chorak final o‘yinlari shanba va yakshanba kunlari bo‘lib o‘tadi.
O‘tgan yili Messi “Inter Mayami”ga aynan mana shu turnirdagi ilk sovrinini qo‘lga kiritishiga yordam bergan edi.
Ligalar kubogi
Nimchorak final
14-avgust, chorshanba
“Kolambus Kryu” — “Inter Mayami” 3:2
Gollar: 0:1 — Roxas (10), 0:2 — Gomes (62), 1:2 — Ramires (67), 2:2 — Rossi (69), 3:2 Rossi (80).
Izoh (0)