Bolgariyaning Qora dengiz sohilidagi Burgas portida huquq-tartibot idoralari Qirg‘izistondan kirib kelayotgan katta miqdordagi giyohvand moddalarni to‘xtatib qoldi.
“Kontrabandani aniqlash bo‘yicha o‘tkazilgan operatsiya narkotik moddalar savdosiga qarshi kurash bo‘yicha mahalliy mutaxassislarning hushyorligi samarasi bo‘ldi”, deydi Associated Press nashri.
Hujjatlarga ko‘ra, yuk Qirg‘izistondan Gretsiyaga ketayotgan kabel yotqizish uskunalari orasida bo‘lgan.
Yuklar Batumidan Bolgariyaning Burgas porti orqali Gretsiyaning Aleksandrupolisiga borishi kerak bo‘lgan. Konteynerlarning Burgas portida shubhali darajada uzoq vaqt turib qolishi rasmiylar e’tiborini tortgan.
Ko‘zdan kechirilganda, tirkama ichidan 434 dona geroin bo‘lgan o‘ram topilgan. Ushbu topilma Bolgariya narkotik politsiyasining mumkin bo‘lgan kontrabanda haqidagi shubhalarini tasdiqlagan. Giyohvand moddalar narxi 38 million dollarga baholangan.
Giyohvand moddalar savdosini tashkil qilish bilan shug‘ullangan shaxslar hozirda qo‘lga olinmagan. Gumonlanuvchilarni faol qidiruv ishlari olib borilmoqda. Bolgariya qonunchiligida giyohvand moddalar savdosi uchun 20 yilgacha qamoq jazosi belgilangan.
“Hozircha hech kim hibsga olinmagan va ushbu transchegaraviy jinoyatga aloqador shaxslar aniqlanmagan”, dedi tuman prokurori Georgiy Chinev.
Izoh (0)