Falastinning HAMAS harakati 13-avgust kuni Tel-Avivga havo zarbalarini uyushtirdi.
![](/static/2024/08/13/photo_2024-08-13_19-38-42-nHUIazTE.jpg)
Isroilning Gush Dan hududiga ikkita raketa uchirilgan. Raketalardan biri Tel-Aviv janubidagi dengizga — Bat Yam va Rishon Le Tsion plyajlari ro‘parasiga kelib tushgan. Katta Tel-Aviv hududida havo hujumidan mudofaa sirenasi eshitilmagan. Tel-Aviv va sun’iy yo‘ldosh shaharlarda Isroil armiyasi matbuot xizmatiga ko‘ra, yana bir raketa G‘azo qirg‘oqlari qarshisida dengizga qulagan.
HAMASning harbiy qanoti Izz ad-Din “Al-Qassam” brigadalari mamlakat markazining o‘qqa tutilishi uchun javobgarlikni o‘z zimmasiga olgan.
“Biz sionistlar tomonidan falastinlik tinch aholining o‘ldirilishiga javoban Tel-Aviv va uning chekka hududlariga ikkita M90 raketasini uchirdik”, deydi HAMAS rasmiysi.
Gap G‘azodagi “Al-Tabain” maktab masjidi binosida o‘nlab HAMAS jangchilari, jumladan, qo‘mondonlar yo‘q qilingani haqida ketmoqda. HAMAS u yerda 100 dan ortiq tinch aholi halok bo‘lganini ma’lum qilgan.
Izoh (0)