Rossiyada 500 dan ortiq Tojikiston fuqarosi giyohvand moddalar bilan bog‘liq jinoyatlarni sodir etganlikda gumonlanib qo‘lga olindi. Bu haqda Tojikiston prezidenti huzuridagi Narkotik moddalarni nazorat qilish agentligi direktori Zafar Samad xabar berdi.
“2024-yilning birinchi yarmida Rossiyada 500 dan ortiq Tojikiston fuqarosi giyohvand moddalar savdosi bilan bog‘liq jinoyatlarni sodir etganlikda gumonlanib qo‘lga olindi”, deydi Samad.
U Tojikistonning 23 nafar fuqarosi O‘zbekistonda, uch nafari esa Qozog‘istonda hibsga olinganini aytdi. 2024-yilning dastlabki olti oyida chet elda 528 nafar Tojikiston fuqarosi qo‘lga olingan, bu o‘tgan yilning shu davriga qaraganda 82 kishiga kam, o‘shanda qo‘lga olinganlar soni 610 kishini tashkil etgan. Xorijda qo‘lga olingan barcha Tojikiston fuqarolaridan jami 96 kilogramm giyohvandlik vositalari musodara qilingan.
Shuningdek, Tojikistonda kontrabanda va giyohvand moddalar savdosi uchun qo‘lga olingan xorijliklar soni ikki baravar ko‘payib, 2024-yilning birinchi yarmida 10 kishiga yetgan. Ularning besh nafari Afg‘oniston, uch nafari O‘zbekiston, bir nafari Qozog‘iston va bir nafari Qirg‘iziston fuqarolari bo‘lgan.
Izoh (0)