Hammasi qanday boshlangan?
Bolalarning onasi – Syuzan Uorton oddiygina uy bekasi bo‘lib, butun vaqtini bolalarining tarbiyasiga bag‘ishlagan edi. Ayol shirintoy bolalarining kun kelib yulduz bo‘lishini istagandi. Chunki Syuzan “Egizaklar onasi” guruhining a’zosi edi. 26 yil avval u yerga suratga olinajak “Kichkintoy sayrga chiqdi” komediyasining bosh qahramonini topish uchun rasmiy so‘rov kelib tushgan.
Shunisi e’tiborga loyiqki, dastlab kichkintoy Buning roliga bolalar qidirilganida, ular kuniga 4 soatdan ko‘p ishlay olmasligi va buning natijasida suratga olish ishlari uzoqqa cho‘zilishi inobatga olingan.
Rejissyor shuning uchun ham filmning premyerasini kechiktirilishini xohlamagan va buning yechimini topgan. U egizak bolalarning almashib rol ijro etishi vaqtni tejashini tushunib yetgan va bosh qahramon uchun bir xil egizak bolalarni izlashga qaror qilgan.
Syuzan Uorton o‘z omadini sinab ko‘rishga qaror qilib, kastingga egizak chaqaloqlarining fotosuratini yuboradi. Oradan bir hafta o‘tgach, Adam va Jeykob Uorton kichik Buning roliga tasdiqlangani haqida xabar kelgan. O‘sha vaqtda ular endigina 9 oylik edi. Ammo egizaklar o‘z vazifasini mukammal darajada uddalagan, film esa nafaqat Amerikada, balki boshqa mamlakatlarda ham muvaffaqiyatga erishgan.
Komediyadan keyingi hayot
Ko‘plab rejissyorlarning taklifiga qaramay, egizaklar boshqa filmlarda suratga tushmagan. Hozirda ular aktyor bo‘lish nimaligi va unga qanday amal qilishni bilmaydi. Ularning onasi Syuzan farzandlari uchun mashhurlikdan uzoq bo‘lgan oddiy hayotni tanlagan.
Aktyorlar Adam va Jeykob o‘rta maktabni muvaffaqiyatli tamomlab, Delaver universitetiga o‘qishga kirgan. Yigitlar bir-biriga o‘xshash bo‘lgani bilan, hayotga qarashi turlicha.
Adam Robert o‘quvchilik paytidan beri moda olamiga qiziqib kelgan. U dizaynerlikda o‘qib yurgan vatqidayoq ilk to‘plamini taqdim etgan. Diplomga ega bo‘lgach, o‘z kasbida jiddiy faoliyat yurita boshlagan. Adam zamonaviy kiyimlar yaratadi, Yevropa bo‘ylab sayohat qiladi. U moddiy jihatdan ancha oyoqqa turib olgan.
Jeykob Jozef esa ota kasbini tanlashga qaror qilgan. U bolaligidanoq mazali taom tayyorlashni va oshxonada tajriba qilishni yaxshi ko‘radi. U ota-onasidan o‘rnak olgan holda ular bilan maslahatlashib ish tutadi. Kelajakda Jeykob restoran biznesi bilan shug‘ullanishni rejalashtirgan va o‘z orzusini hanuzgacha o‘zgartirmagan. Hozirda kichik Uorton kasalxonada oshpaz bo‘lib ishlaydi. Shuningdek, restoran boshqaruvini xotirjamlik bilan o‘z zimmasiga olishi mumkinligini ham istisno qilmaydi. Bundan tashqari, Jeykob allaqachon qandolatchi bo‘lib ishlab, o‘ziga xos shirinliklar ishlab chiqargan. Kichik Uorton ham hali oila borasida o‘ylab ko‘rmagan.
9 oyligida mashhurlikka erishgan egizaklarni bugun hech kim eslamas, hatto tanimas ham. Ammo ular o‘z maqsadlariga ommaning e’tiboriga tushmasdan ham erishdi.
Izoh (2)
qanaqasiga 1994-yilda premerasi bo'lgan filmda 9 oylik bo'lgan bola hozir 26 yoshda bo'lishi mumkin)))
"1994-yilda bo‘lib o‘tgan. Komediya suratga olinayotgan vaqtda bosh qahramonni gavdalantirgan egizaklar Adam va Jeykob 9 oylik edi. Bugun o‘sha Bu rolini ijro etgan aktyorlar 26 yoshda." -- Matematiklar, bolalar 1994/1993- yilda tu'gilgan bo'lsa , qanday qilib 26 yosh bo'ladi? 30/31 yosh bo'maydimi?!