“Uddaburon bolalar” filmida Karmen Kortes rolini ijro etgan aktrisa hozir qanday ko‘rinishda? (foto)

2001-yilda “Uddaburon bolalar” nomli josuslar haqidagi filmning birinchi qismi ekranlarga chiqqanidan keyin undagi superqahramonlar dunyo bo‘ylab mashhurlikka erishdi. Yosh agentlar Aleksa Vega va Deril Sabara darhol superyulduzga aylandi.

Mazkur filmga asoslangan kitoblar, komikslar va hatto video o‘yinlar yaratildi. Qiziq, filmdagi bosh qahramon Karmen hozir qanday hayot kechirmoqda?

Ko‘pchilik Aleksa Vegani “Uddaburon bolalar” franshizasidagi rolidan eslaydi, garchi uning karyerasi bundan oldinroq boshlangan bo‘lsa ham. Uning birinchi ishlari orasida “Smerch”, “Robot hayoti” va “Okean tubida” kabi filmlar bor.

Aleksa “Uddaburon bolalar” orqali ko‘plab muxlislar mehrini qozongan bo‘lsa-da, uning keyingi taqdiri keng auditoriyaga noma’lumligicha qoldi. Ayni paytda u kinolarda kichik rollar o‘ynab turadi va o‘zini musiqa yo‘nalishida ham sinab ko‘rdi.

U 2014-yilda sobiq Big Time Rush aktyori va qo‘shiqchi Karlos Penavega bilan turmush qurgan va hozirda uch nafar farzandi bor. Ularning eng kenjasi 2021-yilda tug‘ilgan.

Bugungi kunda Vega Instagram’da faol va mashhur blogerga ham aylangan. Aktrisa ijtimoiy tarmoqlarda karyerasi va oilaviy suratlari bilan muntazam bo‘lishib turadi.