Prezident farmoyishiga muvofiq, Andijon viloyat maʼmuriy sudi raisi Muydinjon Salimov yozma arizasiga asosan lavozimidan ozod etildi. Bu haqda Sudyalar oliy kengashi matbuot xizmati xabar berdi.
Shuningdek:
- Ergash Umirov yozma arizasiga asosan Qashqadaryo viloyat sudi raisining o‘rinbosari — fuqarolik ishlari bo‘yicha sudlov hayʼati raisi;
- Shuhratjon Mamadiyarov yozma arizasiga asosan Samarqand viloyat sudi raisining o‘rinbosari — iqtisodiy ishlar bo‘yicha sudlov hayʼati raisi lavozimidan ozod etildi.
O‘zbekiston prezidentining tegishli farmoyishiga muvofiq, beshta viloyat sudlarining raislari o‘zgargandi. Bundan oldin O‘zbekistonda 6 nafar sudya lavozimida o‘zgarish ro‘y bergani, Qashqadaryoda fuqaro nogironlik nafaqasini ololmay qolganiga sabab bo‘lgan sudyaga chora ko‘rilgani, Sudyalar oliy kengashida bir qator yangi tayinlovlar amalga oshirilgani to‘g‘risida xabar berilgandi.
Izoh (0)