Namangan viloyatida yashovchi ayol Sh.G. ariza bilan murojaat qilib, o‘zining bank kartasidagi 92 mln so‘m nomaʼlum shaxs tomonidan firibgarlik yo‘li bilan o‘zlashtirilganini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida, mazkur jinoyatni Namangan viloyatida yashovchi, muqaddam Jinoyat kodeksining 168-moddasi (firibgarlik) bilan sudlangan R.N. sodir etganligi aniqlangan.
Gumonlanuvchi sifatida tergov organlariga jalb etilgan R.N. jabrlanuvchi ayol Sh.G. bilan dastlab Instagram, so‘ng Telegram orqali yozishgan. Unga o‘zini treyderlik bilan shug‘ullanishini va pullarini birja orqali oz fursatlarda ko‘paytirib berishini vaʼda qilib, aldov yo‘li bilan 92 mln so‘m miqdoridagi pul mablag‘ini foydalanuvida bo‘lgan plastik kartasiga o‘tkazib olgan. So‘ng bergan vaʼdasini bajarmasdan, pullarni o‘z ehtiyojlariga sarflab yuborgan.
Mazkur holat yuzasidan R.N.ga nisbatan Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilgan.
Izoh (0)