Qoraqalpog‘istonda bedarak yo‘qolgan 18 yoshli qizga qidiruv e’lon qilindi

Qoraqalpog‘istonda bedarak yo‘qolgan 18 yoshli qizga qidiruv e’lon qilindi. Bu haqda Qoraqalpog‘iston IIV xabar berdi. 

Ma’lum qilinishicha, Ellikqal’a tumanida yashovchi, 2006-yilda tug‘ilgan Qasimova Nafisa Otabek qizi mart oyida yashash uyidan noma’lum tarafga chiqib ketib, qaytib kelmagan. Ushbu shaxsni ko‘rgan-bilganlardan IIVning qisqa raqami 102 ga yoki 61-222-56-11, 95-231-02-02, 61-229-93-78 raqamlariga telefon qilish so‘raldi.

Qizni topishga yordam berganlarning shaxsiy ma’lumotlari sir saqlanishi kafolatlangan.

Avvalroq Jizzax viloyati Paxtakor tumanida 17 yoshli qiz bedarak yo‘qolgani xabar qilingandi. Musurmonova Charos Kamol qizi 2024-yil 29-may kuni yashash uyidan maktabga chiqib ketib bedarak yo‘qolgan. U 2007-yilda Jizzax viloyati Paxtakor tumanida tug‘ilgan.

Shuningdek, Surxondaryo viloyati Denov tumanida 17 yoshli qiz bedarak yo‘qolgandi. 2007-yil tug‘ilgan Mahkamova Savrina Xurshedovna 2024-yil 28-may kuni yashash manzilidan noma’lum tomonga chiqib ketib, bedarak yo‘qolgan.