Jizzaxda bedarak yo‘qolgan ayol va uning farzandlari uch oydan so‘ng topildi, deb xabar berilmoqda “Millar” dasturida.
Maʼlum qilinishicha, ayol eri unga kun bermaganini aytib, farzandlarini olib ketganini bildirgan. U farzandlari bilan o‘zi bilmagan holda Samarqand viloyatiga ketib qolganini va u yerda notanish odamlarning fermer xo‘jaligida ishlab yurganini maʼlum qildi.
“Men ham onaman, bolalarimni himoya qilishim kerak. Nega dunyoga keltirganman ularni? Samarqandga ketib qolgan edim”, — deydi ayol.
Hozirda o‘zi ham, farzandlari ham sog‘lom. Oilasidan ajrashdi, mahalla faollari tomonidan ayol ishga ham joylashtirilgan.
