Қорақалпоғистонда бедарак йўқолган 18 ёшли қизга қидирув эълон қилинди. Бу ҳақда Қорақалпоғистон ИИВ хабар берди.
Маълум қилинишича, Элликқалъа туманида яшовчи, 2006 йилда туғилган Қасимова Нафиса Отабек қизи март ойида яшаш уйидан номаълум тарафга чиқиб кетиб, қайтиб келмаган. Ушбу шахсни кўрган-билганлардан ИИВнинг қисқа рақами 102 га ёки 61-222-56-11, 95-231-02-02, 61-229-93-78 рақамларига телефон қилиш сўралди.
Қизни топишга ёрдам берганларнинг шахсий маълумотлари сир сақланиши кафолатланган.
Аввалроқ Жиззах вилояти Пахтакор туманида 17 ёшли қиз бедарак йўқолгани хабар қилинганди. Мусурмонова Чарос Камол қизи 2024 йил 29 май куни яшаш уйидан мактабга чиқиб кетиб бедарак йўқолган. У 2007 йилда Жиззах вилояти Пахтакор туманида туғилган.
Шунингдек, Сурхондарё вилояти Денов туманида 17 ёшли қиз бедарак йўқолганди. 2007 йил туғилган Маҳкамова Саврина Хуршедовна 2024 йил 28 май куни яшаш манзилидан номаълум томонга чиқиб кетиб, бедарак йўқолган.
Изоҳ (0)