Ohangaronda bedarak yo‘qolgan erkakni topishda ko‘maklashganlarga o‘n mln so‘m beriladi

Bedarak yo‘qolgan Mardonbek Akrom o‘g‘lini topishda ko‘maklashgan fuqarolar mukofotlanadi, deb xabar bermoqda Toshkent viloyati IIBB axborot xizmati. 

Unga ko‘ra, 1997-yil 29-avgust kuni tug‘ilgan Jurgunov Mardonbek Akrom o‘g‘li yashash manzili (Ohangaron tumani “O‘zbekiston” mahallasi Gulzor ko‘chasi 65-uy)dan chiqib ketib, bedarak yo‘qolgan.

Alohida belgilari: bo‘yi — 175 sm, o‘rtacha gavdali, bug‘doyrang, sochi qora, ko‘z-qoshi qora rangda (chap qo‘l yelkasidan tirsagigacha koreys tilida “onajonim” deb yozilgan yozuv bor).

Ushbu shaxs to‘g‘risida biror ma’lumotga ega fuqarolardan “102” yoki +998703020510,  +998910054022,  +998908063121,  +998935521795 telefon raqamlari orqali xabar berish so‘raldi.

Mardonbek Akrom o‘g‘lini topishda ko‘maklashgan fuqarolar o‘n million so‘m bilan mukofotlanadi.