Farg‘ona viloyati Oltiariq tumanida bedarak yo‘qolgan ayol ikki yildan buyon qidirilmoqda. Bu haqda viloyat IIB “Daryo”ga xabar berdi.
Unga ko‘ra, Oltiariq tumani, “Povulg‘on” MFYda yashagan 1981-yilda tug‘ilgan Mallaboyeva Dilnoza Yusufjonovna qidirilmoqda. U 2022-yilning oktyabr oyida yashash xonadonidan chiqib ketib, bedarak yo‘qolgan.
Alohida belgilari: bo‘yi 155-160 sm, oq-sariqdan kelgan, sochi qora, qoshi va labi o‘rtacha qalinlikda, o‘ng ko‘zi oldida chandig‘i bor, oyoqlarini bukib olgan holda yuradi.
Ushbu fuqaro haqida ma’lumotga ega bo‘lgan shaxslar 102, 73 432-02-02, 97 555-18-88 hamda 90 581-52-54 telefon raqamlariga qo‘ng‘iroq qilib, xabar berish so‘raladi. Bedarak yo‘qolgan D.Mallaboyevani topgan shaxs 10 million so‘m bilan mukofotlanadi.
Izoh (0)