Sirdaryo viloyati Guliston tumanida 14 yoshli qiz bedarak yo‘qolgani haqida xabar berilgandi. Viloyat IIBning “Daryo”ga xabar qilishicha, qiz topildi.
Guliston tumani, “Mevazor” mahallasi, Saxovat ko‘chasi, 15-uyda yashagan, 2010-yilda tug‘ilgan Shuhratjonova Zahro yashash xonadonidan noma’lum tomonga chiqib ketib, bedarak yo‘qolgan.
Jinoyat qidiruv xodimlari tomonidan olib borilgan tezkor-qidiruv tadbirlari natijasida bedarak yo‘qolgan Shuxratjonova Zahro Rustam qizi Toshkent shahri hududida ekani aniqlanib, xodimlar tomonidan sog‘-salomat topildi.
Avvalroq Jizzaxda bedarak yo‘qolgan ayol va uning farzandlari uch oydan so‘ng topilgan edi. Maʼlum qilinishicha, ayol eri unga kun bermaganini aytib, farzandlarini olib ketganini bildirgan. U farzandlari bilan o‘zi bilmagan holda Samarqand viloyatiga ketib qolganini va u yerda notanish odamlarning fermer xo‘jaligida ishlab yurganini maʼlum qilgandi.
Izoh (0)