Deputatlar “Yangi tahrirdagi O‘zbekiston Respublikasi Konstitutsiyasida mahalliy davlat hokimiyatining konstitutsiyaviy asoslari takomillashtirilganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun loyihasini muhokama qilmoqda.
Ushbu qonun loyihasi bilan yangi tahrirdagi Konstitutsiyadagi normalardan kelib chiqib, hokim va kengash raisi lavozimlari ajratilmoqda.
Loyiha bilan kiritilayotgan o‘zgartirishga ko‘ra, mahalliy kengashlarga avvalgidek hokim emas, balki deputatlar orasidan saylanadigan rais boshchilik qiladi. Shuningdek, hokimlar nomzodi kengashlarda ko‘rib chiqilayotganda ular hududni rivojlantirish dasturini mahalliy kengashlarga taqdim etishi tartibi joriy etilmoqda.
Mahalliy kengashlarga hududlarning o‘ziga xos xususiyatlaridan kelib chiqqan holda, qoida tariqasida, 5 tagacha (amalda 8 ta) doimiy komissiya tuzish huquqi belgilanmoqda.
Deputatlarning fikriga ko‘ra, qonun loyihasidagi eng muhim yangilik bundan buyon mahalliy kengash va hokim qabul qiladigan hujjatlar Yagona elektron tizimda (e-qaror.gov.uz) ro‘yxatdan o‘tkazilishi va tizimga joylashtirilishi shart bo‘lishi bilan bog‘liq.
Izoh (0)