O‘zbekistonda “mahalla yettiligi” a’zolari faoliyati baholanib, moddiy rag‘batlantirib boriladi

O‘zbekistonda “mahalla yettiligi” faoliyatini baholash mexanizmi takomillashtiriladi. Bu bo‘yicha hukumatning yangi qarori qabul qilindi.

Hujjatda qayd etilishicha, mahalladagi hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori faoliyatini baholashda mahalla raislarining maqomini oshirish zarurligini taqozo etmoqda.

Prezidentning 2023-yil 21-dekabrdagi farmonida “mahalla yettiligi”ning faoliyati eng muhim samaradorlik ko‘rsatkichlari (KPI) bo‘yicha baholanishi belgilangan. Bunda mahalla raislari hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori faoliyatini baholashda ularga 20 foiz ball berishga haqli.

“Mahalla yettiligi” a’zolari ish haqini asosiy ish joyidan berish tartibi saqlab qolingan holda KPI asosida baholash natijalaridan kelib chiqib moddiy rag‘batlantirilib boriladi.

Mahalla raisi va “Mahalla yettiligi” a’zolarining faoliyatini eng muhim samaradorlik ko‘rsatkichlari bo‘yicha baholashda boshqa ko‘rsatkichlar bilan bir qatorda har oylik ish rejalarining amalda bajarilish holati ham inobatga olinadi.