Jizzax viloyatida g‘alladan bo‘shagan maydonlarning yoqib yuborilishini bartaraf etish maqsadida nazorat tadbirlari o‘tkazilmoqda. Bu haqda Ekologiya vazirligi matbuot xizmati xabar berdi.
Xususan, Arnasoy tumani Ekologiya inspeksiyasi tomonidan olib borilgan reyd tadbirlarida “Oltin vodiy” MFY Ibn Sino ko‘chasida yashovchi fuqaro M.A. tomonidan g‘alladan bo‘shagan 2,5 gektar yer maydoni yoqib yuborilganligi aniqlandi.
Huquqbuzarga nisbatan maʼmuriy bayonnoma rasmiylashtirildi va BHMning uch baravari — 1 million 20 ming so‘m miqdorida jarimaga tortildi.
Shuningdek, fuqaro tomonidan tabiatga 3 million 434 ming 296 so‘m zarar yetkazganligi maʼlum bo‘ldi. Huquqbuzar jami 4 million 454 ming 296 so‘m to‘laydi.
Izoh (0)