Samarqandning Payariq tumanida AQSHga ishga bormoqchi bo‘lgan ikki kishi 24 ming dollarga chuv tushdi.
Bosh prokuratura huzuridagi departamentning Payariq tuman bo‘limi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda fuqaro X.K. SH.Z. va B.R.ning ishonchiga kirib, ularni AQSHga ishga yuborishini va’da qilib, har biridan 12 000 dollardan jami 24 ming dollarni firibgarlik yo‘li bilan qo‘lga kiritgan.
Qayd etilishicha, ushbu pullar hisobidan 4 ming dollar qaytarilishi protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
AQSHning O‘zbekistondagi elchixonasi ushbu mamlakatga noqonuniy migratsiya xavfli va serxarajat urinish ekanligi haqida fuqarolarga doimiy ravishda ogohlantirish bilan chiqadi. Shunga qaramay, fuqarolar hali ham AQSHga noqonuniy yo‘llar bilan borishga urinmoqda.
2023-yilning 20-dekabrida AQSHga noqonuniy yo‘llar bilan ketgan 119 nafar o‘zbekistonlik olib kelingandi. 2024-yilning 3-martida shunday kishilarning 74 nafari O‘zbekistonga qaytarildi.
Izoh (0)