Toshkentda pul evaziga AQSHga ishga yuborishni va’da qilgan shaxs ushlandi. Bu haqda Bosh prokuratura huzuridagi departament xabar qildi.
Departamentning Sergeli tuman bo‘limi tomonidan DXX xodimlari bilan hamkorlikda o‘tkazilgan tezkor tadbirda fuqaro F.E. fuqaro M.Y.ning ishonchiga kirib, uni 16 ming dollar evaziga Turkiya, Meksika va Nikaragua davlatlari orqali AQSHga ishlash uchun yuborishni va’da qilib, oldindan 9 ming dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq AQSHning O‘zbekistondagi elchixonasi fuqarolarga ogohlantirish bilan chiqib, ushbu davlatga qonuniy yo‘l bilan borishga chaqirgandi. Elchixona AQSHga noqonuniy migratsiya xavfli va serxarajat urinish ekanini bildirgan.
3-mart kuni AQSHga noqonuniy yo‘llar bilan ketgan 74 nafar o‘zbekistonlik vatanga qaytarilgandi. 2023-yilning 20-dekabrida AQSHga noqonuniy yo‘llar bilan ketgan 119 nafar o‘zbekistonlik olib kelingan.
Markaziy Osiyo davlatlaridan 2023-yilda 50 mingdan ortiq odam AQSH chegarasini noqonuniy kesib o‘tgan.
Izoh (1)
ахмокчилик майнавозчилик . ф.э. д.р шунака исмлар борми хайотта . бетайин макола