Ўзбек томошабинларига “Севги изтироби” сериалидаги Асу образи билан яхши таниш актриса Мелиса Асли Памук футболчи Юсуф Язичига турмушга чиқди. Машҳур футболчи турмуш ўртоғига тўй совғаси сифатида Франциянинг Ницца шаҳридан 1,5 миллион еврога уй сотиб олгани маълум бўлди.
Франциянинг “Лилль” жамоасида ўйнаётган Юсуф Язичи ўтган ёзда Чешме шаҳрида Мелиса Асли Памук билан танишган эди. Мелиса Асли Памук ижтимоий тармоқда фамилиясини “Мелиса Асли Язичи” деб ўзгартирганида, жуфтлик ҳеч қандай баёнот бермаган бўлса-да, тўйнинг Францияда ўтказилгани маълум бўлди.
Шунингдек, футболчи ижтимоий тармоқларда турмуш ўртоғи учун олган тўй совғаси билан бўлишди. Уй 1,5 миллион еврога сотиб олинган. Мелиса ўз дидига кўра денгиз манзараси кўриниб турадиган ўта ҳашаматли уйини жиҳозлашни бошлаган.
Мелиса турмуш қуришга рози бўлишдан аввал футболчига Истанбулга кўчиб ўтиш шартини қўйди. Актриса Францияга кетишни истамади. Юсуф француз футбол клуби билан шартномасини узайтирмади. Бироқ унга Голландия ва Англия клубларидан таклифлар келиб тушган. Юлдузлар қандай муросага келиши ҳозирча номаълум.
33 ёшли Мелиса Асли Памук турмуш ўртоғидан олти ёш катта. Эр-хотин тўй ҳақидаги хабарларга ҳеч қандай изоҳ бермади. Турк юлдузи аввалдан шахсий ҳаётининг барча тафсилотларини сир сақлашга ҳаракат қилиб келган.
Изоҳ (0)