Navoiyda 1,2 milliard so‘mlik soxta pullar yoqib yuborildi. Bu haqda Bojxona qo‘mitasi “Daryo”ga ma’lum qildi.
Qayd etilishicha, tadbirda Navoiy viloyati bojxona boshqarmasining masʼul xodimlari, Majburiy ijro byurosi Navoiy viloyati bo‘limi va Navoiy viloyati ekologiya va atrof muhitni muhofaza qilish boshqarmasining masʼul xodimlari qatnashgan.
Vazirlar Mahkamasining “Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibi to‘g‘risida”gi qarori ijrosini taʼminlash maqsadida tegishli organlar tomonidan tezkor tadbirlar davomida noqonuniy faoliyatdan olingan 13,6 ming quti tamaki mahsulotlari, 30 dona elektron sigaretlar, 126 million so‘mlik tibbiy vositalar hamda 1,2 milliard so‘mlik soxta pullar yo‘q qilindi, sud qaroriga asosan, tegishli tartibda yondirish yo‘li bilan yo‘q qilingan.
Avvalroq Toshkent shahrida Xalqaro giyohvandlikka qarshi kurashish kuni munosabati bilan noqonuniy muomaladan olingan narkotik moddalarni yo‘q qilish tadbiri o‘tkazilgani to‘g‘risida xabar berilgandi.
Izoh (0)