Навоийда 1,2 миллиард сўмлик сохта пуллар ёқиб юборилди. Бу ҳақда Божхона қўмитаси “Дарё”га маълум қилди.
Қайд этилишича, тадбирда Навоий вилояти божхона бошқармасининг масъул ходимлари, Мажбурий ижро бюроси Навоий вилояти бўлими ва Навоий вилояти экология ва атроф муҳитни муҳофаза қилиш бошқармасининг масъул ходимлари қатнашган.
Вазирлар Маҳкамасининг “Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисида”ги қарори ижросини таъминлаш мақсадида тегишли органлар томонидан тезкор тадбирлар давомида ноқонуний фаолиятдан олинган 13,6 минг қути тамаки маҳсулотлари, 30 дона электрон сигаретлар, 126 миллион сўмлик тиббий воситалар ҳамда 1,2 миллиард сўмлик сохта пуллар йўқ қилинди, суд қарорига асосан, тегишли тартибда ёндириш йўли билан йўқ қилинган.
Аввалроқ Тошкент шаҳрида Халқаро гиёҳвандликка қарши курашиш куни муносабати билан ноқонуний муомаладан олинган наркотик моддаларни йўқ қилиш тадбири ўтказилгани тўғрисида хабар берилганди.
Изоҳ (0)