Futbol bo‘yicha Amerika kubogi—2024 musobaqasining B guruhida so‘nggi 3-tur o‘yinlari bo‘lib o‘tdi.
Unda Venesuela terma jamoasi Yamayka ustidan yirik 3:0 hisobida g‘alaba qozondi. Meksika va Ekvador terma jamoalari o‘rtasidagi uchrashuv durang natija bilan yakunlandi.
Ushbu o‘yinlar natijalariga ko‘ra, Venesuela va Ekvador terma jamoalari Amerika kubogi—2024 chorak final ishtirokchilarga aylangani ma’lum bo‘ldi.
Bu kvartetda birinchi o‘rinni egallagan venesuelaliklar chorak finalda avval A guruhida ikkinchi o‘rinni egallagan Kanada terma jamoasi bilan o‘ynaydi. Guruh bosqichi yakunida B guruhida ikkinchi bo‘lgan Ekvador pley-offda A guruhi g‘olibi — amaldagi jahon chempioni Argentina terma jamoasi bilan o‘ynaydi.
Amerika kubogi—2024
3-tur
30-iyun, yakshanba
Meksika — Ekvador 0:0
Meksika: Gonsales, Sanches, Montes, Vaskes, Arteaga (Vega, 90), Chaves, Pineda (Martines, 67), Romo (Sanches, 85), Uerta (Antuna, 67), Kiniones (Kortiso, 86), Ximenes.
Ekvador: Dominges, Presiado (Urtado, 90), Torres, Pacho, Inkapie, Franko, Kaysedo, Payes (Minda, 67), Sarmiyento (Mena, 76), Valensiya, Rodriges (Grueso, 76).
Ogohlantirishlar: Montes (6), Kaysedo (43), Sanches (50), Chaves (73), Vaskes (82), Antuna (90+4).
Yamayka — Venesuela 0:3
Gollar: 0:1—Bello (49), 0:2—Rondon (56), 0:3—Ramires (85).
Yamayka: Ueyt, Harding (Anderson, 67), Hektor, Pinnok, Latibodiyer (King, 87), Bell, Lou, Palmer, Grey (Marshall, 87), Sifas (Dikson, 46), Antonio (Nikolson, 67).
Venesuela: Romo, Gonsales, Anxel, Osorio, Aramburu (Makun, 81), Bello, Martines, Errera (Rinkon, 60), Segoviya (Andrade, 74), Machis (Soteldo, 60), Rondon (Ramires, 81).
Ogohlantirishlar: Machis (9), Hektor (89).
Izoh (0)