Amerikalik kino, televideniye va dublyaj aktrisasi Anjelina Joli “Toni” mukofotini topshirish marosimiga qizi Vivyen bilan tashrif buyurdi.
Tadbirda Joli o‘zining haddan tashqari ozg‘inligi bilan muxlislarini xavotirga soldi. Aktrisaning hatto qalin baxmal ko‘ylagidagi burmalar ham uning qomatidagi jiddiy o‘zgarishlarni yashira olmadi.
Muxlislar darhol ijtimoiy tarmoqlarda bunga javoban o‘z fikrlarini bildirdi:
“Anjelina juda ham ozib ketibdi!” “Aktrisa skeletga o‘xshab qolibdi”.
Hozirda Anjelina Jolining vazni taxminan 44 kilogrammni tashkil qiladi. Uning bo‘yi 173 santimetr, bunday parametr tana massasi indeksi uchun nomutanosibdir.
In Touch Weekly nashrining insayderi yozishicha,
“Joli organizmidagi muammolardan xabardor va u qasddan o‘ta ozg‘inligini ommaga namoyish qilmoqda. Agar biror tadbirda Joli ochiq kiyimda namoyon bo‘lsa, barchaning diqqati unga jalb etilishini biladi. Nazarimizda, aktrisaga e’tibor va piar yetishmayotgandek”.
Anjelina Joli sobiq turmush o‘rtog‘i Bred Pitt bilan bir necha yillar davomida ajrim jarayonini boshdan kechirmoqda. 2022-yil fevral oyida Bred Pitt vino zavodining ma’lum ulushini rossiyalik tadbirkor Yuriy Sheflerga sotgani uchun Anjelina Jolini sudga bergan edi. O‘sha yilning sentyabr oyida Anjelina Bredni ularning umumiy mulkini noqonuniy o‘zlashtirib olganlikda ayblab, 250 million dollar miqdorda tovon pulini undirish talabi bilan sudga murojaat qilgan.
Izoh (0)