2008-yildan beri Anjelina Joli va Bred Pittning umumiy mulki hisoblangan Chateau Miraval vino zavodi bo‘yicha sud ishi davom etmoqda. Bu safar Joli sobiq turmush o‘rtog‘iga yangi ayblov qo‘ydi — Bred Pitt uni va farzandlarini hech vaqosiz qoldirishga urinayotganini aytdi.
Amerikaning Daily Mail nashri jurnalistlari tomonidan o‘tkazilgan tekshiruvlar buning aksini tasdiqladi: Pitt bilan ajrashish Joliga 100 million dollarga yaqin daromad keltirgan. Bu mablag‘ga kreditlar, alimentlar, turli sovg‘alar va Jolining Chateau Miraval vino zavodidagi 50 foiz ulushidan tushgan daromadlar kiradi. Mazkur kelishuv tufayli yulduzlar sud ishi hanuz tugagani yo‘q.
2022-yil fevral oyida Bred Pitt vino zavodining ma’lum ulushini rossiyalik tadbirkor Yuriy Sheflerga sotgani uchun Anjelina Jolini sudga bergan edi. Aktyorning so‘zlariga ko‘ra, uning sobiq rafiqasi o‘z aksiyalarini o‘zaro roziliksiz sotmaslik haqidagi bitimni buzgan. O‘sha yilning sentyabr oyida Anjelina Bredni ularning umumiy mulkini noqonuniy o‘zlashtirib olganlikda ayblab, 250 million dollar miqdorda tovon pulini undirish talabi bilan sudga murojaat qilgan.
Aktrisaning tarafdorlari aytishicha, mazkur sud jarayonini uzaytirish orqali Bred Pitt sobiq rafiqasini nazorat qilish va uni hech narsasiz qoldirishni maqsad qilgan. Maʼlumotlarni oshkor qilmaslik to‘g‘risidagi kelishuv sababli Pitt aslida yolg‘on gapirayotganini Joli isbotlay olmayapti.
Aktyor tarafdorlari esa Anjelina undan barcha pullarini tortib olmoqchi ekanligi ta’kidlamoqda. Aniqlanishicha, so‘nggi yetti yil ichida Pitt bolalarni ta’minlash, ular uchun psixoterapiya kurslari va boshqa qo‘shimcha xarajatlari uchun taxminan 10 million dollar sarflagan. Joli esa bu vaqt ichida Manhettenda bir vaqtlar Endi Uorholga tegishli bo‘lgan va oyiga 60 ming dollarga ijaraga berilgan uyni sotib oldi.
Anjelina Joli tomonidan Bred Pittga qo‘yilgan ayblov bo‘yicha sud xulosasi yaqin kunlarda o‘qib eshittiriladi. Biroq sud jarayoni hali uzoq davom etishi kutilmoqda.
Eslatib o‘tamiz, Anjelina Joli sobiq eri Bred Pittni jismoniy tahqirlanish va zo‘ravonlikda ayblagan edi.
Izoh (0)