Америкалик кино, телевидение ва дубляж актрисаси Анжелина Жоли “Тони” мукофотини топшириш маросимига қизи Вивен билан ташриф буюрди.
Тадбирда Жоли ўзининг ҳаддан ташқари озғинлиги билан мухлисларини хавотирга солди. Актрисанинг ҳатто қалин бахмал кўйлагидаги бурмалар ҳам унинг қоматидаги жиддий ўзгаришларни яшира олмади.
Мухлислар дарҳол ижтимоий тармоқларда бунга жавобан ўз фикрларини билдирди:
“Анжелина жуда ҳам озиб кетибди!” “Актриса скелетга ўхшаб қолибди”.
Ҳозирда Анжелина Жолининг вазни тахминан 44 килограммни ташкил қилади. Унинг бўйи 173 сантиметр, бундай параметр тана массаси индекси учун номутаносибдир.
In Touch Weekly нашрининг инсайдери ёзишича,
“Жоли организмидаги муаммолардан хабардор ва у қасддан ўта озғинлигини оммага намойиш қилмоқда. Агар бирор тадбирда Жоли очиқ кийимда намоён бўлса, барчанинг диққати унга жалб этилишини билади. Назаримизда, актрисага эътибор ва пиар етишмаётгандек”.
Анжелина Жоли собиқ турмуш ўртоғи Бред Питт билан бир неча йиллар давомида ажрим жараёнини бошдан кечирмоқда. 2022 йил февраль ойида Бред Питт вино заводининг маълум улушини россиялик тадбиркор Юрий Шефлерга сотгани учун Анжелина Жолини судга берган эди. Ўша йилнинг сентябрь ойида Анжелина Бредни уларнинг умумий мулкини ноқонуний ўзлаштириб олганликда айблаб, 250 миллион доллар миқдорда товон пулини ундириш талаби билан судга мурожаат қилган.
Изоҳ (0)