Amerikalik taniqli aktrisa Anjelina Joli yaqinda bergan katta intervyusida uzoq vaqtdan beri birinchi marta ajralish sabablari haqida gapirishga qaror qildi.
“Stresslar mening tanamga juda kuchli ta’sir qiladi. Ajrashishdan olti oy oldin to‘satdan falajlikka duchor bo‘ldim. Keyinchalik men erkin yashash va sayohat qilish imkoniyatidan mahrum bo‘ldim. Imkon bo‘lishi bilan tezroq ko‘chib ketishim kerak”, — deya yashash joyini Kambodjaga o‘zgartirish haqida o‘ylayotganiga ishora qildi.
Bugun jurnalistlar Jolining yangi munosabatlari haqida yozayotganiga qaramay, aktrisa bu masalada shoshilmayapti. Uning davrasida shou-biznesdan deyarli hech kim qolmadi, chunki yulduz butun e’tiborini bolalar va qochqinlarga bag‘ishlagan.
“Qiyinchiliklarni boshidan kechirgan odamlar ancha samimiy va ochiq bo‘ladi. Men o‘zimni ular bilan yanada erkinroq his qilaman. Nima uchun men qiyinchilikni boshdan kechirgan odamlar bilan vaqt o‘tkazishni yoqtiraman? Ular hayotda shunchalik ko‘p narsaga duch kelganki, bu ularga nafaqat kuch, balki insoniylikni ham orttirishga yordam bergan”, — deb ta’kidladi.
Shuningdek, ish faqat qochqinlar bilan muloqot qilish bilan tugayotgani yo‘q. Anjelina Joli ularga kelajakda Nyu-Yorkdagi do‘konidan rasmiy ish berishni ham rejalashtirmoqda.
“Ehtimol, men bir muddat pul yo‘qotarman. Agar yaxshilanish deb hisoblagan ba’zi narsalarni amalda qo‘llay olsam, bu juda katta g‘alaba bo‘lar edi”, — deya xulosa qildi aktrisa.
Ma’lumot uchun, Anjelina Joli aktyor Bred Pitt bilan 2016-yilda ajrashgan edi.
Izoh (0)