Anjelina Joli o‘zining kenja qizi, 15 yoshli Viviyen Joli-Pittni Brodveyda bo‘lib o‘tadigan “Аutsayderlar” filmiga yordamchi qilib oldi, deb yozmoqda “Korrespondent.net” nashri.
“Viviyen menga onamni eslatadi, chunki u diqqat markazida bo‘lishga intilmaydi. U boshqa ijodkorlarni qo‘llab-quvvatlaydi. Viviyen teatr haqida juda ko‘p o‘ylaydi va qanday hissa qo‘sha olishini yaxshiroq tushunish uchun bunga bor kuchini sarflaydi”, — deydi Gollivud yulduzi.
Aktrisaga yaqin manbaning ma’lum qilishicha, Viviyen shu yilning boshida Kaliforniyaning San-Diyego shahrida bo‘lib o‘tgan jahon premyerasida onasiga hamrohlik qilgan musiqiy spektaklni yaxshi ko‘rib qolgan.
“Anjelina va Viviyen Syuzan Ginton bilan uchrashishdi, u romanni yozganida aktrisaning qizi bilan tengdosh edi”, — deydi insayder.
Bundan tashqari, manbada keltirilishicha, Ginton bilan suhbat Jolini Brodveyda namoyish etiladigan loyihaning bosh prodyuseri bo‘lish mas’uliyatini o‘z zimmasiga olishga ilhomlantirgan. 48 yoshli Joliga yaqin bo‘lgan yana bir manbaning aytishicha, u musiqiy film “yoshlar o‘rtasida muhokama qilinishini” xohlaydi.
“Joli jamoa har qadamda yoshlarni tinglashiga va ular bilan ishlashiga, yoshlarning ovozi ushbu loyihani Brodveyga olib chiqishda yetakchi rol o‘ynashiga ishonch hosil qilishni xohlaydi”, — deydi ular.
Ma’lumot uchun, 2019-yilda Anjelina Joli va Bred Pitt rasman ajrashgan edi. Sobiq juftlikning olti nafar farzandi bor. Ular farzandlari Maddoks, Paks Tyen va Zaxarani asrab olgan. Shaylo, egizaklar Noks va Viviyen esa juftlikning o‘z farzandi hisoblanadi.
.jpg)
Izoh (0)