Narendra Modi 9-iyun kuni uchinchi muddatga Hindiston bosh vaziri etib tayinlandi. Bu haqda Hindiston mahalliy nashrlariga tayanib, Al Jazeera xabar berdi.
Manbada aytilishicha, bu galgi saylovlarda Modining Bharatiya Janata partiyasi parlamentda ko‘pchilik o‘rnidan mahrum bo‘lgan. Partiya hukumat boshqaruvini o‘zida saqlab qolish uchun bir nechta hamkorlari bilan koalitsiya tuzgan.
Yakshanba kuni Narendra Modi uchinchi muddatga Hindistonning bosh vaziri sifatida qasamyod qabul qilgan. U dunyodagi eng ko‘p aholiga ega mamlakatda koalitsion hukumatning siyosat aniqligini taʼminlash qobiliyatini sinab ko‘rishini maʼlum qilgan.
Hindiston prezidenti Droupadi Murmu yakshanba kuni Nyu-Dehlidagi prezident saroyi Rashtrapati Bxavanda minglab taniqli shaxslar, jumladan, yetti qo‘shni davlat rahbarlari, Bollivud yulduzlari va sanoatchilar ishtirok etgan tantanali marosimda Modiga qasamyod qabul qildirgan.
Qasamyodda tarixda ilk bor mamlakat nomi Bharat deya qayd etilgan. Ushbu nom mamlakatning hind tillaridagi variantini ifoda etadi.
Narendra Modi hozirda 73 yoshda. Uning uchinchi muddatga qayta saylanishi partiyasidagi beqarorlik tufayli so‘nggi vazifaga kirishishi sifatida qayd etilgan.
Qasamyodda Narendra Modi o‘z partiyasi rasmiylari va koalitsiyadagi sheriklari rahbarlari bilan birga Hindiston konstitutsiyasini himoya qilishga vaʼda bergan.
Izoh (0)