Киев Россия билан урушни тугатиш учун ҳудудий ён босишга тайёр эмас. Бу ҳақда Украина президенти Владимир Зеленский Франция парламентида сўзлаган нутқида айтиб ўтди.
Зеленский Иккинчи жаҳон уруши даврида миллий социалистларга қарши эркин Европа учун курашган халқнинг жасоратини эслаб, Украина Россияга қарши урушда ғалаба қозонишига ишонч билдирган.
Путин урушда ғалаба қозона оладими? Йўқ, чунки сиз ва мен мағлуб бўлишга ҳаққимиз йўқ. Бу уруш ҳозир мавжуд бўлган чизиқ бўйлаб сўниши мумкинми? 80 йил олдин ҳам, ҳозир ҳам мумкин эмас. Гитлер худди бугунги Путин каби чизиқларни бирин-кетин енгиб ўтди, — дейди Зеленский.
Зеленский Россия расмийлари Европани беқарорлаштириш йўлларини қидираётганини қўшимча қилган. У мисол тариқасида Болтиқбўйи давлатлари, Польша ва Болқонларга тажовуз қандай тарқалаётганини айтган. Унинг сўзларига кўра, Путин ҳамма ундан қўрқиши учун бутун дунёни шантаж қилмоқда.
Зеленский Ғарб давлатларини Украинани қўллаб-қувватлашни кучайтиришга чақирди.
Биз ёлғиз қолмаслигимиз керак. Украиналик учувчилар томонидан бошқариладиган жанговар самолётингиз Европа унга таҳдид солаётган ёвузликдан кучлироқ эканлигини исботлайди, — деди Зеленский.
Зеленский Парижга Франция президенти Эммануэл Макроннинг таклифига биноан Иттифоқчиларнинг Нормандияга қўнишининг 80 йиллигини нишонлаш маросимида қатнашиш учун ташриф буюрган эди. Россия бу байрамларга таклиф қилинмаган.
Изоҳ (0)