Germaniya va Fransiya Yevropa Ittifoqining hashamatli tovarlar, jumladan, avtomobillarni Rossiyaga jo‘natish imkonini beruvchi bo‘shliqni yopish niyatiga qarshi chiqdi. Bu haqda Politico xabar berdi.
Politico’ning uch nafar suhbatdoshiga ko‘ra, Berlin va Parijning muxolifati YI davlatlarini G7 sammitida kelishuvga erishish uchun Rossiyaga qarshi 14-sanksiyalar paketi va Belarusga qarshi shunga o‘xshash choralar ko‘rish haqida o‘ylashga majbur qilgan. Nashrning ta’kidlashicha, bu YIga Belarusga qarshi sanksiyalar bo‘yicha kelishmovchiliklarni hal qilishni kechiktirib, yirik gaz sanksiyalarini qo‘llashga imkon beradi.
The German Economic Team (GET) hisobotiga ko‘ra, o‘tgan yili Yevropa Ittifoqidan Belarusga avtomobil importi hajmi 2,6 milliard dollarni (2,4 milliard yevro) tashkil etgan, bu 2021-yilga nisbatan to‘rt baravar ko‘p.
Hashamatli avtomobillar sohasida eng katta nisbiy o‘sish qayd etilgan. Umumiy import o‘sishining uchdan ikki qismi – 1,4 milliard dollar (1,3 milliard yevro) “lyukslar” hissasiga to‘g‘ri kelgan.
Politico bilan suhbatda ushbu voqeani sharhlar ekan, Germaniya va Fransiyaning nomi oshkor etilmagan diplomatlari o‘z mamlakatlari sanksiyalardan bo‘yin tovlashning oldini olishga qaratilgan chora-tadbirlarni qo‘llab-quvvatlashini, lekin birinchi navbatda Rossiyaga harbiy tovarlar yetkazib berilishiga qarshi kurashish zarur, deb hisoblashini ta’kidlagan.
Izoh (0)