Rossiya 2017-yilda BMT Xavfsizlik kengashi qo‘ygan cheklovlarga qaramay Shimoliy Koreyaga to‘g‘ridan to‘g‘ri neft yetkazib bermoqda. Bu haqda Deutsche Welle xabar berdi.
Britaniyaning Royal United Services Institute (RUSI) tahliliy markazining maʼlumotlariga ko‘ra, birgina 7-martdan beri Shimoliy Koreyaning kamida beshta tankeri Vladivostok yaqinidagi Vostochniy portidan neft mahsulotlarini olish uchun jo‘nab ketgan. Bu Rossiyadan KXDRga to‘g‘ridan to‘g‘ri dengiz orqali neft yetkazib berish bo‘yicha birinchi hujjatlashtirilgan jo‘natma. 2017-yilda BMT Xavfsizlik kengashi Moskva roziligi bilan Pxenyanning yadroviy qurol sinovlariga javoban ularni taqiqlagan edi.
Bu neft jo‘natmalari hozir qulash yoqasida turgan sanksiya rejimiga to‘liq miqyosli hujumni ifodalaydi, — dedi Shimoliy Koreyaga qarshi sanksiyalarni kuzatuvchi BMT guruhining sobiq koordinatori Xyu Griffits.
RUSI tadqiqotchisi Jozef Birnning taʼkidlashicha, “Vostochniy” portidagi baʼzi kemalar ham BMTning sanksiyalar ro‘yxatiga kiritilgan. Uning so‘zlariga ko‘ra, bu ularning neft yetkazib berish u yoqda tursin, xorij portlariga umuman kirishiga yo‘l qo‘ymaslik kerakligini anglatadi.
Izoh (0)