Ijtimoiy tarmoqlarda Toshkent shahar Chilonzor tumanidagi 201-sonli umumtaʼlim maktabi o‘qituvchisi Sevara Sharapovaning prezidentga murojaati eʼlon qilindi. Tuman hokimligi murojaat yuzasidan maʼlumot berdi.
Unga ko‘ra, ayni murojaat yuzasidan Chilonzor tumani hokimi o‘rinbosari Alisher Xatamov va tegishli masʼullar ishtirokida o‘rganish o‘tkazildi. O‘rganishlar jarayonida masʼullar tomonidan murojaatchi qayd etib o‘tgan xonalarni yangi o‘quv yiligacha homiylarni jalb qilgan holda taʼmirlatish choralari ko‘rilishi tushuntirib o‘tildi.
Bundan tashqari, bu borada prezidentning “Toshkent shahri Chilonzor tumanining sanoat salohiyati va investitsiya jozibadorligini oshirishga doir qo‘shimcha chora-tadbirlar to‘g‘risida”gi 201-sonli qarori ijrosi doirasida qarorning 3-ilovasi 11-bandida “Tirsakobod” MFYdagi 201-sonli maktabning mavjud binosini mukammal taʼmirlash ishlari 2025-yilda amalga oshirilishi mo‘ljallangani aytildi.
Izoh (0)