Toshkent shahri Sergeli tumanidagi 6-maktabda 4-sinf o‘quvchilari ota-onalaridan maktab remontiga pul yig‘imi amalga oshirilayotgani haqida xabarlar tarqaldi. Maktabgacha va maktab ta’limi boshqarmasi holatga izoh berdi.
Unga ko‘ra, Sergeli tumanidagi 6-sonli ixtisoslashtirilgan davlat umumta’lim maktabi 4-sinf o‘quvchilari ota-onalari Telegram guruhida maktab ma’muriyati hamda sinf rahbarini ogohlantirmasdan, o‘zboshimchalik bilan pul yig‘imini amalga oshirmoqchi bo‘lgan va o‘zaro muhokama qilgan.
Ushbu murojaat yuzasidan maktab ma’muriyati, sinf rahbarlari, o‘qituvchilar hamda ota-onalar ishtirokida navbatdan tashqari yig‘ilish o‘tkazildi. Unda barcha qatnashchilar hech qanday pul yig‘imlarini amalga oshirmasligi bo‘yicha ogohlantirilib, “tashabbuskor” ota-onalardan tushuntirish xatlari olingan.
Izoh (0)