Samarqand viloyati Kattaqo‘rg‘on shahrida ayol xorijdagi eriga jahl qilib bolasini o‘ldirmoqchi bo‘ldi. Bu haqda viloyat IIB xabar berdi.
Ma’lum qilinishicha, Kattaqo‘rg‘on shahar “Nurafshon” mahallasida yashovchi 1992-yilda tug‘ilgan F.M.(ayol) ayni damda chet elda bo‘lgan turmush o‘rtog‘i (qonuniy nikohdan o‘tmagan) bilan o‘zaro kelishmovchilik natijasida eriga jahl qilib, voyaga yetmagan farzandiga nisbatan jismoniy kuch ishlatib qiynagan.
Holat yuzasidan tergovga qadar tekshiruv harakatlari olib borishga kirishilgan. Hozirda bolaning sog‘lig‘i va ahvoli yaxshi, mutaxassislar nazoratiga olingan.
Voyaga yetmagan farzandiga nisbatan jismoniy kuch ishlatib qiynagan ayolga nisbatan Jinoyat kodeksining 110-moddasi (qiynash) 2-qismi “a” bandi hamda 112-moddasi (o‘ldirish yoki zo‘rlik ishlatish bilan qo‘rqitish) 1-qismi bilan jinoyat ishi qo‘zg‘atilib, tergov harakatlari olib borishga kirishildi.
Izoh (0)