Toshkentning Uchtepa tumanida farzandini boshqa bolani urishga majburlagan ota 10 sutkaga qamaldi. Bu haqda “Millar” dasturida xabar qilindi.
21-mart kuni Uchtepa tumani “G9 A 21” uy hovlisida sodir bo‘lgan voqea kuzatuv kamerasiga tushib qolgan va holat aks etgan video ijtimoiy tarmoqlarda tarqalgandi. Ma’lum bo‘lishiсha, ularning janjaliga koptok sabab bo‘lgan.
“Urayotganida dadasi tishini sug‘urib tashla, qonasin yuzi, men o‘zim javob beraman dedi”, — deydi jabrlangan bola.
Ma’muriy javobgarlik to‘g‘risidagi kodeksning 183 (mayda bezorilik) hamda 188-1-moddasida (voyaga yetmagan shaxsni ma’muriy huquqbuzarlik sodir etishga jalb qilish) nazarda tutilgan huquqbuzarlikni sodir etgan otaga Jinoyat ishlari bo‘yicha Uchtepa tumani sudi tomonidan 10 sutka ma’muriy qamoq va BHMning 10 baravari — 3 million 400 ming so‘m jarima jazosi tayinlandi.
Izoh (0)