Toshkent shahri, Mirzo Ulug‘bek tumani Ahmad Yugnakiy ko‘chasida sodir bo‘lgan YTH oqibatida piyoda jarohatlandi. Bu haqda Toshkent shahar IIBB YHXB axborot xizmati xabar berdi.
Maʼlum qilinishicha, 3-iyun kuni soat 13:55 larda haydovchi 1980-yilda tug‘ilgan N.K. Cobalt rusumli avtomashinasini boshqarib kelib, yo‘lning belgilanmagan qismidan kesib o‘tayotgan piyoda 1998-yilda tug‘ilgan D.X.ni urib yuborgan.
Natijada piyoda D.X. olgan tan jarohatlari bilan shifoxonaga yotqizilgan.
Holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.
Izoh (0)