Fatvo markazi kriptovalyutalar yuzasidan e’lon qilgan fatvosi uchun uzr so‘radi.
Avvalroq Islom dinida bitkoin, notkoin va boshqa shu kabi kriptovalyutalarda savdo-sotiq qilishga munosabat qandayligi bo‘yicha Fatvo markazi maʼlumot bergan edi. Unda bitkoin, notkoin kabi kriptovalyutalarni o‘zaro ayriboshlash va ular bilan savdo-sotiq qilish sharʼan joiz emasligi aytilgandi.
Maʼlum qilinishicha, mazkur xabar ehtiyotsizlik oqibatida ijtimoiy tarmoqlarda eʼlon qilingan.
Hurmatli yurtdoshlar! 2024-yil 3-iyun kuni O‘zbekiston musulmonlari idorasi huzuridagi Fatvo markazi tomonidan “Kriptovalyutalar savdosi joizmi?” degan mavzuda savol-javob loyihasi texnik sabablarga ko‘ra, ehtiyotsizlik oqibatida ijtimoiy tarmoqlarda e’lon qilinganini ma’lum qilamiz. Fatvo markazi direktori Shayx Nuriddin Xoliqnazar hazratlari va u kishining o‘rinbosarlari muborak haj safarida ekani, mazkur fatvo loyihasi atrofidagi ilmiy-tadqiqot ishlari hali nihoyasiga yetmagani va, shuningdek, zamonaviy masalalarni keng qamrovli o‘rganish ishlari olib borilayotganini bildiramiz. Siz azizlardan uzr so‘ragan holda, ushbu fatvo ustidagi ilmiy tadqiqotlarni nihoyasiga yetkazib, qayta eʼtiboringizga havola etilishini maʼlum qilamiz, — deyiladi xabarda.
Izoh (0)