AQSH Mudofaa vaziri Lloyd Ostin Xitoy va uning qo‘shnilari bilan muloqotni davom ettirish Osiyo-Tinch okeani mintaqasida mavjud keskinlik kuchayishining oldini olish uchun zarurligini ta’kidladi.
Pentagon rahbari Singapurda bo‘lib o‘tayotgan “Shangri-La Dialogue” yillik xavfsizlik forumi doirasida Vashingtonning mintaqaviy xavfsizlikka sodiqligini qo‘shimcha qilgan.
Har bir suhbat yoqimli bo‘lishi mumkin emas. Lekin biz bir-birimiz bilan suhbatlashishda davom etishimiz muhim. Xitoy bilan urush yoki qarama-qarshilik muqarrar emas, — dedi Ostin.
Nashrga ko‘ra, Ostin Vashingtonning mintaqadagi xavfsizlikka sodiqligiga katta e’tibor qaratgan, bu mudofaa sohasidagi hamkorliklar soni ortib borayotganida ifodalanadi. Pentagon rahbari so‘nggi uch yil ichida Osiyo-Tinch okeani mintaqasida xavfsizlikning deyarli barcha jihatlari bo‘yicha yangi konvergensiya kuzatilganini aytgan.
Ochig‘ini aytaman: Qo‘shma Shtatlar Osiyo xavfsiz bo‘lsagina xavfsiz bo‘lishi mumkin, — deya Ostin mintaqada Amerika ishtirokining zarurligini qo‘shimcha qilgan.
Ostinning izohlariga javoban, Xitoy Markaziy harbiy vakili general-leytenant Szin Szyanfen Vashingtonni “NATOning Osiyo-Tinch okeani versiyasi”ni yaratishga intilayotganlikda ayblagan. U, shuningdek, Qo‘shma Shtatlarni mintaqaviy tinchlik va barqarorlik uchun eng katta muammo deb atagan. Szin Szyanfenning ta’kidlashicha, AQSHning Hind-Tinch okeani strategiyasi bo‘linish, qarama-qarshiliklarni keltirib chiqarish va barqarorlikka putur yetkazishga qaratilgan.
Bu faqat AQSHning g‘arazli geosiyosiy manfaatlariga xizmat qiladi va tarixiy tendensiya va mintaqa davlatlarining tinchlik, taraqqiyot va o‘zaro manfaatli hamkorlikka bo‘lgan umumiy intilishlariga zid keladi, — dedi xitoylik general-leytenant.
Izoh (0)