Toshkentning ikki tumani hududida elektr ta’minoti vaqtincha to‘xtatiladi

Poytaxt tumanlarining ayrim hududlarida elektr taʼminoti vaqtincha to‘xtatiladi. Bu haqda “Toshkent shahar elektr tarmoqlari” xabar berdi.

Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida taʼmirlash ishlarini olib borish maqsadida bugun, 31-may kuni quyidagi manzillarda elektr taʼminoti vaqtincha o‘chirildi:

• Bektemir tumani — “Nurli yo‘l ”, “Musaffo” hamda “Sohil” MFYlarining ayrim hududlarida soat 09:00 dan 13:00 gacha;
• Uchtepa tumani — “Taqachi”, “Beshqayrag‘och”, “Ko‘rkamobod”, “Hojiobod”, “Latif Guzar”, “Hayratiy”, “A.Qodiriy”, “Jurjoniy”, “Quyi Darxon”, “Xurshid” hamda “O‘tkir” MFYlarining ayrim hududlarida soat 09:00 dan 15:00 gacha.

Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.

“Toshkent shahar elektr tarmoqlari” MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.

Eslatib o‘tamiz, 30-may kuni Bektemir hamda Uchtepa tumanlarining ayrim hududlarida “svet” vaqtincha o‘chirilgan edi.