Toshkentning Bektemir hamda Uchtepa tumanlarining ayrim hududlarida 30-may kuni “svet” vaqtincha o‘chiriladi. Bu haqda “Toshkent shahar elektr tarmoqlari” MCHJ axborot xizmati xabar berdi.
Maʼlum qilinishicha, bunga isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish hamda mavjud elektr qurilmalarida taʼmirlash ishlarini olib borish sabab bo‘ladi.
Shu bois ertaga, 30-may kuni quyidagi manzillarda elektr taʼminoti vaqtincha o‘chiriladi:
- Bektemir tumani: “Zabardast”, “Ustozlar”, “Iyk ota” hamda “Gulbog‘” MFYlarining ayrim hududlarida soat 08:00 dan 13:00 gacha;
- Uchtepa tumani: “Taqachi”, “Beshqayrag‘och”, “Ko‘rkamobod”, “Hojiobod”, “Latif Guzar”, “Hayratiy”, “A.Qodiriy”, “Jurjoniy”, “Quyi Darxon”, “Xurshid” hamda “O‘tkir” MFYlarining ayrim hududlarida soat 10:00 dan 16:00 gacha.
“O‘z navbatida yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligini bildirib o‘tamiz”, – deyiladi xabarda.
Izoh (0)