Шимолий Корея Япон денгизи томон 10 га яқин қисқа масофали баллистик ракеталар учирди. Бу ҳақда Жанубий Корея Бирлашган штаб бошлиқларига таяниб, Yonhap хабар берди.
Жанубий Корея ҳарбийлари ракеталар денгизга тушишидан олдин тахминан 350 километр учиб ўтганини таъкидлади. Ҳозирда ҳарбийлар воқеани таҳлил қилмоқда, бошқа тафсилотлар келтирилмаган.
Шимолий Корея 30 май куни Япон денгизига 10 га яқин қисқа масофали баллистик ракеталар учирди, — дейилади хабарда.
Эслатиб ўтамиз, аввалроқ КХДР Жанубий Корея чегараси орқали чиқинди боғланган 150 дан ортиқ ҳаво шари учирганди. Шарлар 28 май куни кечқурун чегарани кесиб ўта бошлаган ва мамлакатнинг турли жойларига тушиб, жануби-шарқий Кёнсан провинциясигача етиб келган.
Шарлар ичида турли хил чиқиндилар, масалан, пластик бутилкалар, батареялар, пойабзал қисмлари ва ҳатто гўнг ҳам бор. Улар батафсил таҳлил қилиш учун йиғиб олинган. Кейинчалик ҳаво шарлари миқдори 200 дан ошгани маълум қилинган.
Изоҳ (0)