Тошкентнинг Бектемир ҳамда Учтепа туманларининг айрим ҳудудларида 30 май куни “свет” вақтинча ўчирилади. Бу ҳақда “Тошкент шаҳар электр тармоқлари” МЧЖ ахборот хизмати хабар берди.
Маълум қилинишича, бунга истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишларини олиб бориш сабаб бўлади.
Шу боис эртага, 30 май куни қуйидаги манзилларда электр таъминоти вақтинча ўчирилади:
- Бектемир тумани: “Забардаст”, “Устозлар”, “Ийк ота” ҳамда “Гулбоғ” МФЙларининг айрим ҳудудларида соат 08:00 дан 13:00 гача;
- Учтепа тумани: “Тақачи”, “Бешқайрағоч”, “Кўркамобод”, “Ҳожиобод”, “Латиф Guzar”, “Ҳайратий”, “А.Қодирий”, “Журжоний”, “Қуйи Дархон”, “Хуршид” ҳамда “Ўткир” МФЙларининг айрим ҳудудларида соат 10:00 дан 16:00 гача.
“Ўз навбатида юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, – дейилади хабарда.
Изоҳ (0)