Jahon chempionatlarining to‘rt karra bronza medali sovrindori rossiyalik Danila Semerikov xalqaro maydonga qaytish istagi tufayli kelasi mavsumda O‘zbekiston terma jamoasi safida o‘ynashni rejalashtirmoqda, deb xabar bermoqda “Championat.com” nashri.
“O‘tgan yili menga O‘zbekiston terma jamoasi sharafini himoya qilish taklifi tushgan edi, men buni ko‘rib chiqdim. Sportdagi yagona maqsadim — musobaqalarni davom ettirish va xalqaro musobaqalarga qaytish.
Men taklifga rozi bo‘lishga va shu mamlakat terma jamoasi nomidan musobaqalarda ishtirok etishga qaror qildim”, — deya Semerikovning so‘zlarini keltiradi Match TV.
Eslatib o‘tamiz, 29 yoshli konki uchuvchisi uch marta Yevropa chempioni bo‘lgan.
Ma’lumot uchun, rossiyalik konki uchuvchilar xalqaro musobaqalarda qatnashishdan chetlashtirildi.
2023-yilda rossiyalik konki uchuvchisi, jahon chempionatining ko‘p karra sovrindori Elizaveta Golubeva Qozog‘iston fuqaroligini oldi va Rossiya chempioni Vladimir Semirunniy Polsha terma jamoasi uchun kurashmoqchi ekanligini ma’lum qilgan edi.
Izoh (0)