Yaponiyaning Toyota avtomobilsozlik kompaniyasi 2024-yilda Parijda bo‘lib o‘tadigan musobaqadan so‘ng Olimpiada o‘yinlariga homiylikni to‘xtatmoqchi. Bu haqda Yaponiyaning Kyodo agentligi vaziyatga yaqin manbalarga tayanib yozgan.
Unga ko‘ra, bunga sabab Toyota rahbariyatining fikricha, Xalqaro Olimpiya Qo‘mitasi (XOQ) tomonidan “sportchilarni qo‘llab-quvvatlash va sportni ommalashtirish” uchun mablag‘larning samarasiz sarflanishidir.
Toyota kompaniyasi XOQ bilan 2015-yilgi musobaqaga homiylik qilishga kelishib olgandi. Keyin bu 835 million dollarlik eng yirik homiylik shartnomasi ekanligi ma’lum qilindi.
Unga 2018-yilda Pxyonchxandagi qishki Olimpiya o‘yinlaridan shu yil Parijda bo‘lib o‘tadigan yozgi Olimpiada o‘yinlarigacha bo‘lgan to‘rtta musobaqaga homiylik ham kiritilgan. Manbalarga ko‘ra, Toyota endi bu shartnomani uzaytirmoqchi emas.
Kompaniya izoh berishdan bosh tortdi.
Izoh (0)