“Birinchi marotaba jamoaviy turda Olimpiadaga yo‘llanmani qo‘lga kiritdik. Bu ham katta yutug‘imiz” — Shavkat Mirziyoyev

Shavkat Mirziyoyev O‘zbekiston U-23 terma jamoasining Osiyo kubogi finali va Parij—2024 Olimpiada yo‘llanmasini qo‘lga kiritgani haqida fikr bildirdi. 

Bilasizlarmi, penalti urolmaganidan keyin 3 kun uxlolmay chiqdim. Uning o‘rniga o‘zim bo‘lsam, deyman-da. Nimaga bunday bo‘lishi kerak ekan-a, bittagina to‘p-a? Shunday mahorat ko‘rsatdi, ularning ko‘pi bilan gaplashdim. Ularga telegramma yubordim. 

Endi biz ham darrov chempion bo‘lamiz deymiz-da. Birinchi marotaba jamoaviy turda Olimpiadaga yo‘llanmani qo‘lga kiritdik. Bu ham katta yutug‘imiz.

Futbol ham oson ish emas. Bilasizlarmi, hozirda 5-6 nafar bolalarimiz dunyoga mashhur jamoalarda to‘p surmoqda. Bundan esa faxrlanaman”, — dedi Shavkat Mirziyoyev.

Eslatib o‘tamiz, O‘zbekiston Olimpiya terma jamoasi Qatarda bo‘lib o‘tgan U-23 Osiyo kubogi musobaqasining yarim final bosqichida Indoneziya termasini ishonchli hisobda yengib, musobaqaning final yo‘llanmasini qo‘lga kiritish bilan bir qatorda Parijda bo‘lib o‘tadigan Olimpiadaga yo‘llanma oldi.