WBC Terens Kroufordni yarim o‘rta vazndagi kamaridan mahrum qildi va “ta’tildagi chempion” deb e’lon qildi

Butunjahon boks kengashi (WBC) Terens Kroufordni “ta’tildagi chempion” deb e’lon qildi.

Krouford 2023-yil iyul oyida Errol Spensni texnik nokautga uchratgandan buyon yarim o‘rta vazn toifasida mutlaq jahon chempioni bo‘lib turgandi. Shundan buyon u ringga ko‘tarilmadi.

O‘tgan yilning kuzida undan IBF tituli olib qo‘yilgandi.

Eslatib o‘tamiz, 3-avgust kuni Terens super yarim o‘rta vazn toifasida WBA kamari sohibi, o‘zbekistonlik Isroil Madrimovga qarshi jang qiladi. Ular o‘rtasidagi qarama-qarshilik Los-Anjelesda bo‘lib o‘tadi. 

Amerikalik bokschi professional ringda o‘tkazgan 40 ta jangining barchasida g‘alaba qozongan. G‘alabalarining 31 tasiga nokaut orqali erishgan.

Madrimov esa 8-mart oqshomida Saudiya Arabistonining Ar-Riyod shahrida rossiyalik Magomed Kurbanovni 5-raundda nokautga uchratib, WBA kamarini qo‘lga kiritgandi.